Væg einkenni um candida ofvöxt er til dæmis þreyta, uppþemba, þyngdaraukning, höfuðverkir, meltingartruflanir, exem og heilaþoka. En í alvarlegri tilfellum þá geta einstaklingar þróað með sér sjálfsofnæmissjúkdóm (líkt og vanvirkan skjaldkirtil eða MS), krabbamein og Alzheimer. Candida ofvöxtur er mun algengari en flestir halda og er talið að meirihluti einstaklinga í nútímasamfélagi séu með svokallaðan ofvöxt, og oft án þess að gera sér grein fyrir því. 

Ef um ofvöxt er að ræða þá geta ákveðin eiturefni sem sveppurinn framleiðir byrjað að erta slímhúðina í meltingarveginum sem veldur því að ónæmisfrumur ráðast á sveppinn sem veldur bólgu í slímhúðinni. Við þessa ertingu skerðist slímhúðin sem getur valdið “lekum þörmum”, í framhaldinu komast þessi hættulegu efni inn í blóðrás líkamans, sem eiga alls ekki að vera þar. Þá skapast ofvirkni í ónæmiskerfinu og ýmis einkenni geta komið í ljós. 

Lifrin á að sjá um að hreinsa út eiturefnin en nú til dags vinnur hún hörðum höndum að hreinsa önnur eiturefni nútímans, þar á meðal áfengi, iðnaðarframleiddar grænmetisolíur, lyf, aukaefni í mat og eiturefni í umhverfinu og þess háttar. Þetta veldur því að lifrin getur auðveldlega bugast undan álagi. Þá berast þessi eiturefni til annarra líffæra þar sem lifrin er stútfull og geta valdið miklum skaða þar.